സദാചാര പോലീസ് – ചില നൂതന ആശയങ്ങള്‍..


സദാചാരം കേരളത്തില്‍ വളരെയധികം ചര്‍ച്ച ചെയ്യപ്പെടുന്ന ഒന്നാണ്. ഭാരതസ്ത്രീകള്‍ തന്‍ ഭാവശുദ്ധിയെപ്പറ്റി നിരന്തരം ജാകരൂകരാകുന്ന മലയാളികള്‍ കേരളത്തിലെ സദാചാര ധ്വംസനത്തെ എന്ത് വില കൊടുത്തും എതിര്‍ക്കാന്‍ മടിയില്ലാതവാരാണ്.സദാചാര വാദികളെ കപട സദാചാര വാദികള്‍ എന്ന് വിളിച്ചു അധിക്ഷേപിച്ചാലും അതിനെതിരെ പ്രതികരിച്ചാലും കേരളത്തെ ബംഗ്ലൂര്‍ ആക്കാനും ബംഗ്ലൂരിനെ അമേരിക്കയാക്കാനും അവര്‍ സമ്മതിക്കില്ല.

സദാചാര ലങ്ഖനങ്ങള്‍ നടക്കാതിരിക്കാനും ബ്ലെഡി മലയാളീസ് സദാചാര ഭീകരത നടത്താതിരിക്കാനും ചില നൂതന ആശയങ്ങള്‍ :

1) മലയാളികള്‍ ഇത്ര സദാചാര വാദികള്‍ ആയതിനാലും കേരളത്തില്‍ ഒരുപാട് സദാചാര ധ്വംസനങ്ങള്‍ നടക്കുന്നതിനാലും കേരളപോലിസില്‍ ട്രാഫിക് പോലീസ്, ഹൈവേ പോലീസ് എന്നൊക്കെ പറയുന്ന പോലെ “സദാചാര പോലീസ്” എന്നൊരു തസ്തിക കൂടി ഉണ്ടാക്കണം.

2) എല്ലാ സദാചാര വാദികള്‍ക്കും 24 മണിക്കൂറും സദാചാരം സദാചാരം എന്ന് പറഞ്ഞു നടക്കാന്‍ ഒക്കില്ല, അവര്‍ക്ക് ബാറില്‍ പോണം, കുളി മുറിയില്‍ എത്തി നോക്കണം,വഴിയരികില്‍ സ്ത്രീകളെ ശല്യം ചെയ്യണം ഇതിനിടയില്‍ മുഴുവന്‍ സമയവും സദാചാരം എന്ന് പറഞ്ഞു നടക്കാന്‍ കഴിയില്ല.അത് കൊണ്ട് തന്നെ ഈ സേവനം അത്യന്താപേക്ഷിതമാണ്‌.24 മണിക്കൂറും തുറന്നു പ്രവര്‍ത്തിക്കുന്ന ഒരു ഓഫീസും സദാചാര ലങ്ഖനങ്ങള്‍ അതാതു സമയം വിളിച്ചറിയിക്കാന്‍ ഒരു ടോള്‍ ഫ്രീ നമ്പരും വേണം.

3) “ന സ്ത്രീ സ്വാതന്ത്ര്യമര്‍ഹിതെ” എന്നതാവണം സദാചാര പോലീസിന്‍റെ ആപ്ത വാക്യം.സ്ത്രീകള്‍ അത്യാവശ്യമുള്ളപ്പോള്‍ മാത്രം പുറത്തു ഇറങ്ങുക.വൈകീട്ട് 6 മണിക്ക് ശേഷം ഒറ്റയ്ക്ക് പുറത്തു ഇറങ്ങുന്ന സ്ത്രീകള്‍ക്ക് ഫൈന്‍ ഏര്‍പ്പടുത്തണം.

4) സ്ത്രീകള്‍ക്കിടയില്‍ സദാചാര ലങ്ഖനങ്ങളും വിവാഹ മോചനങ്ങളും ഒക്കെ കൂടുതല്‍ നടക്കുന്നത് ഉന്നത വിദ്യാഭ്യാസമുള്ളവരിലും ജോലിയുള്ളവരിലുമാണ് (ഇത്തരക്കാര്‍ മഹാ അഹങ്കാരികളും തന്നിഷ്ടക്കാരികളും ആണത്രേ..!!) ആയതിനാല്‍ സ്ത്രീകളുടെ വിദ്യാഭ്യാസം SSLC വരെ മതി എന്ന നിയമം കൊണ്ട് വരണം.

5) ഭര്‍ത്താവ് മരിച്ച സ്ത്രീകള്‍ക്ക് ആശ്വാസമേകിക്കൊണ്ട് “സതി” തിരിച്ചു കൊണ്ട് വരുക. പൂവാലന്‍ മാരുടെയും ഞരമ്പ്‌ രോഗികളുടെയും കപട സദാചാര വാദികളുടേയും ശല്യത്തില്‍ നിന്ന് അത് മാത്രമാണ് രക്ഷ.

6) പുരുഷന്‍മാര്‍ അന്യ സ്ത്രീകളോട് സംസാരിക്കാനോ ബൈക്കില്‍ കേറ്റി സഹായിക്കാനോ പാടില്ല.പുറത്തിറങ്ങുമ്പോള്‍ ബുക്കും പേപ്പറും ഛീ… മാരേജ് സര്ട്ടിഫിക്കറ്റും താലിയും കരുതാത്ത ഭാര്യാ ഭര്‍ത്താക്കന്മാര്‍ക്ക് പിഴ ഏര്‍പ്പെടുത്തുക .

7) സ്കൂളുകളും കോളെജുകളും എല്ലാം ബോയ്സ്, ഗേള്‍സ്‌ എന്ന് തരം തിരിക്കുക. വിമന്‍സ് കോളേജിന്റെ മുന്നില്‍ കറങ്ങി നടക്കുന്ന ആണ്‍ പിള്ളേരെയും മെന്‍സ് കോളേജിലേക്ക് ഇടം കണ്ണിട്ടു നോക്കുന്ന പെണ്‍ പിള്ളേരെയും ഉടനെ കെട്ടിച്ചു വിടുക.

8) കേരളത്തിലെ സ്ത്രീകള്‍ക്കെല്ലാം ഒരു ഡ്രസ്സ്‌ കോഡ്‌ നിര്‍ബന്ധം ആക്കുക.സ്ത്രീകള്‍ മാന്യമായി വസ്ത്രം ധരിക്കാത്തത് കൊണ്ടാണത്രേ പ്രകൃതി ദുരന്തങ്ങള്‍ ഉണ്ടാകുന്നത്!!!

9) കേരള – ബംഗ്ലൂര്‍ വോള്‍വോ രാത്രികാല ബസ്സുകള്‍ നിര്‍ത്തലാക്കുക. സ്ത്രീകള്‍ക്കും പുരുഷന്മാര്‍ക്കും പ്രത്യേകം പ്രത്യേകം ബസ്സ്‌ ട്രെയിന്‍ എയര്‍ സര്‍വിസുകള്‍ തുടങ്ങുക.

10) ഫെമിനിസ്റ്റുകളെയും സ്ത്രീപക്ഷ വാദികളെയും തീവ്രവാദികളായി പ്രഖ്യാപിക്കുകയും അവരെ അടിച്ചമര്‍ത്തുകയും ചെയ്യുക.

കേരളം ബംഗ്ലൂര്‍ ആവാതിരിക്കട്ടെ..

സദാചാര വിരുദ്ധര്‍ തുലയട്ടെ..

സദാചാര പോലീസ് നീണാള്‍ വാഴട്ടെ…

സദാചാരം വിജയിക്കട്ടെ…….!!

Comment Here

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: