ബലാല്‍ സംഗം ചെയ്യപ്പെടാനുള്ള പ്രധാന കാരണങ്ങള്‍…!!!


ചോദ്യം : ബലാല്‍ സംഗം എന്നാല്‍ എന്ത് ? ബലാല്‍ സംഗം ചെയ്യപ്പെടാനുള്ള പ്രധാന കാരണങ്ങളും ബലാല്‍ സംഗം തടയാനുള്ള പ്രതിവിധിയും വിശദീകരിക്കുക. (പത്ത് മാര്‍ക്ക്)

ഉത്തരം : ഒരു വ്യക്തി, മറ്റൊരു വ്യക്തിയുടെ സമ്മതത്തോടെയല്ലാതെ നടത്തുന്ന ലൈംഗികമായ സമ്പർക്കത്തെയാണ് ബലാത്സംഗം എന്ന് പറയുന്നത്. ലൈംഗികമായ ആക്രമണങ്ങളേയും, മറ്റ് രൂപങ്ങളിലുള്ള, സമ്മതമില്ലാതെയുള്ള ലൈംഗിക പ്രവർത്തനങ്ങളെയും ബലാത്സംഗമായി കണക്കാക്കുന്നു.

സ്ത്രീകള്‍ ബലാല്‍ സംഗം ചെയ്യപ്പെടാനുള്ള പ്രധാന കാരണങ്ങളും ബലാല്‍ സംഗം തടയാനുള്ള പ്രതിവിധിയും താഴെ പറയുന്നവയാണ് :

സൌന്ദര്യം : സൌന്ദര്യം ഉള്ള സ്ത്രീകള്‍ ബലാല്‍സംഗം ചെയ്യപ്പെടാനുള്ള സാഹചര്യം വളരെ കൂടുതല്‍ ആണ്.സ്ത്രീ സൌന്ദര്യത്തെ നമുക്ക് രണ്ടായി തരം തിരിക്കാം. ശാലീന സൌന്ദര്യം എന്നും മോഡേണ്‍ സൌന്ദര്യം എന്നും.ഇതില്‍ ശാലീന സൌന്ദര്യം ഇഷ്ടപ്പെടുന്നവര്‍ ശാലീന സുന്ദരികളെയും മോഡേണ്‍ സൌന്ദര്യം ഇഷ്ടപ്പെടുന്നവര്‍ മോഡേണ്‍ സുന്ദരികളെയും ബലാല്‍ സംഗം ചെയ്യുന്നു.തൊലി വെളുത്ത പെണ്‍ കുട്ടികള്‍ ആണ് കൂടുതല്‍ ബലാല്‍ സംഗം ചെയ്യപ്പെടാന്‍ സാധ്യതയുള്ളത് അതിനാല്‍ അവര്‍ തൊലിയുടെ സ്വാഭാവിക നിറം മാറ്റി തൊലി കറുപ്പിക്കുന്നതാണ് നല്ലത്.പക്ഷെ സൌന്ദര്യം ആപേക്ഷികം ആണ് എന്നത് കൊണ്ട് തന്നെ അവരുടെ ഏതൊരു സൌന്ദര്യവും പുരുഷന്മാരെ മയക്കി ബലാല്‍ സംഗം ചെയ്യാന്‍ നിര്‍ബന്ധിതര്‍ ആകുന്നു എന്നതാണു സത്യം.അത് കൊണ്ട് തന്നെ പൌഡര്‍,സ്പ്രേ,ലിപ് സ്റ്റിക്,കണ്മഷി,മയ്‌ലാഞ്ചി,ചാന്ത് ,പൊട്ട്,വിവിധ തരം ക്രീമുകള്‍ തുടങ്ങിയ സൌന്ദര്യ വാര്‍ധക വസ്തുക്കള്‍ നിരോധിക്കുന്നതായിരിക്കും ഉചിതം.സൌന്ദര്യം ഒരു ശാപം ആണ് എന്നത് പെണ്‍കുട്ടികള്‍ എപ്പോഴും ഓര്‍ക്കുന്നത് നല്ലതാണ്

പുഞ്ചിരി : സ്ത്രീകള്‍ പലപ്പോഴും ചിരിക്കുന്നത് അവര്‍ക്ക് തന്നെ ദോഷമായി ഭവിക്കും .സ്ത്രീകളുടെ പുഞ്ചിരി പുരുഷന്‍ മാരെ മയക്കാന്‍ സാധ്യതയുണ്ട്..അത് ബലാല്‍ സംഗത്തിനുള്ള ക്ഷണവും ആണ് എന്ന് കരുതാനും സാധ്യതയുണ്ട്.ആയതിനാല്‍ സ്ത്രീകള്‍ ചിരിക്കണം എന്ന് തോന്നുമ്പോള്‍ മുറിയില്‍ കയറി വാതില്‍ കുറ്റിയിട്ടു ആരും കാണാതെ പുഞ്ചിരിക്കുക.

നടത്തം : സ്ത്രീകളുടെ നടത്തത്തെ പറ്റി മാത്രം പണ്ട് മുതല്‍ക്കേ ഒരു പാട് കവിതകളും മറ്റും വന്നിട്ടുണ്ട്. സ്ത്രീകളുടെ നടത്തവും പുരുഷന്മാരെ ബലാല്‍ സംഗികള്‍ ആക്കുന്നുണ്ട്.ഇതില്‍ തന്നെ സ്ത്രീകളുടെ അന്ന നട കണ്ട് സഹിക്കാന്‍ കഴിയാതെ ബലാല്‍ സംഗം ചെയ്യുന്നവരുമുണ്ട്…അതല്ല മോഡേണ്‍ പെണ്‍കുട്ടികളുടെ ക്യാറ്റ് വാക്ക് കണ്ടു ബലാല്‍ സംഗം ചെയ്യുന്നവരും ഉണ്ട്.സ്ത്രീകള്‍ വശ്യമായി നടക്കുന്നത് നിറുത്തിയാല്‍ തന്നെ പുരുഷന്മാര്‍ പിറകെ നടക്കുന്നത് നിറുത്തും.അതിനാല്‍ സ്ത്രീകള്‍ പുറത്തിറങ്ങി നടക്കുന്നതിനു പകരം കാറിലോ മറ്റോ സഞ്ചരിക്കുന്നതയിരിക്കും ഉചിതം.

ശബ്ദം : നല്ല ശബ്ദത്തിന്‍റെ ഉടമകളും ബലാല്‍ സംഗം ചെയ്യപ്പെടാന്‍ സാധ്യതയുള്ളവരാണ്.സ്ത്രീകളുടെ കിളി മൊഴി പുരുഷനെ ആകൃഷ്ടനാക്കുകയും അത് ബലാല്‍ സംഗത്തിലേക്ക് നയിക്കുകയും ചെയ്യുന്നു.അത് കൊണ്ട് സ്ത്രീകള്‍ പാട്ട് പാടുകയോ ഉച്ചത്തില്‍ സംസാരിക്കുകയോ ചെയ്യാതിരിക്കുക.സ്ത്രീകള്‍ തങ്ങളുടെ മധുരമായ ശബ്ദം അത്യാവശ്യത്തിനു മാത്രം ഉപയോഗിക്കുക.


ആഭരണങ്ങള്‍ :
ആഭരണ ഭ്രമം സ്ത്രീകളില്‍ ഈ അടുത്ത കാലത്തായി വല്ലാതെ കൂടിയിട്ടുണ്ട്.ആഭരണങ്ങള്‍ പലപ്പോഴും ബലാല്‍ സംഗത്തിന് കാരണം ആകുന്നുണ്ട് എന്നവര്‍ മനസിലാക്കുന്നില്ല.മൂക്കുത്തി,കമ്മല്‍,അരഞ്ഞാണം,പാദസരം തുടങ്ങിയ ആഭരണങ്ങള്‍ കണ്ടു ഹാലിളകിയാണ് പലരും ബലാല്‍ സംഗം ചെയ്യുന്നത്.സ്ത്രീകള്‍ ആഭരണ ഭ്രമം ഉപേക്ഷിച്ചാല്‍ തന്നെ ബലാല്‍ സംഗ കേസുകളില്‍ ഗണ്യമായ കുറവുണ്ടാകും.

സമയം : സമയം ഒരു ഘടകം തന്നെയാണ്.സ്ത്രീകള്‍ക്ക് വളരെ അത്യാവശ്യത്തിനു പുറത്തിറങ്ങാന്‍ പറ്റിയ സമയം രാവിലെ മുതല്‍ ഒരു ഉച്ച..ഉച്ചര..ഉച്ചേ മുക്കാല്‍ വരെയാണ്.കാരണം രാത്രി ബലാല്‍ സംഗം ചെയ്തു ക്ഷീണിച്ച പുരുഷന്മാര്‍ എഴുന്നേല്‍ക്കുന്നത് ഉച്ച സമയത്താണ്.രാത്രി സ്ത്രീകള്‍ പരമാവധി പുറത്തിറങ്ങാതെ ഇരുന്നാല്‍ ബലാല്‍ സംഗം പരമാവധി കുറയ്ക്കാം.

സെക്കന്‍റ് ഷോ : സെക്കന്‍റ് ഷോ കാണാന്‍ പോകുന്ന സ്ത്രീകള്‍ അഹങ്കാരികളും അവര്‍ ബലാല്‍ സംഗം വരുത്തുന്നവരും ആണ്.നാട്ടപാതിരായിക്ക് സിനിമാകണ്ടു ചുറ്റി കറങ്ങുമ്പോള്‍ ആണ് പലരും അക്രമങ്ങള്‍ക് ഇരയാവുന്നത്.ആയതിനാല്‍ സ്ത്രീകള്‍ സെക്കന്‍റ് ഷോ കാണുന്നത് നിരോധിച്ചു സര്‍ക്കാര്‍ ഉത്തരവിറക്കണം.തിയേറ്ററുകളില്‍ സ്ത്രീകളെ സെക്കന്‍റ് ഷോയ്ക്ക് കയറാന്‍ അനുവദിക്കാതിരിക്കുക. നമ്മുടെ നാട്ടില്‍ സദാചാര പോലീസിനെ നിയമിക്കുന്നതും ബലാല്‍ സംഗം തടയാനുള്ള ഉത്തമ പ്രതി വിധിയാണ്.

വസ്ത്രം : സ്ത്രീകള്‍ മാന്യമായ വസ്ത്രം ധരിക്കാത്തതാണ് ആണ് ബലാല്‍ സംഗത്തിന്‍റെ പ്രധാന കാരണം.മാന്യമായ വസ്ത്രം എന്ന് പറയുമ്പോള്‍ ഒരു പാട് ഉണ്ട്.സാരി, ചുരിദാര്‍,പാവാട,ജീന്‍സ് പര്‍ദ്ദ തുടങ്ങിയവ.ഇതില്‍ തന്നെ ഓരോ പുരുഷന്റെയും ടേസ്റ്റ് വത്യാസം ആയിരിക്കും.ചിലര്‍ക്ക് സാരിയാണ് സെക്സിയായ വേഷം, മറ്റു ചിലര്‍ക്ക് ചുരിദാര്‍,ചിലര്‍ക്ക് ജീന്‍സ് ഇട്ടാല്‍ ഉടന്‍ പ്രെഷര്‍ കൂടും വേറെ ചിലര്‍ക്ക് പര്‍ദ്ദ ഇട്ടാലും രക്ഷയില്ല പര്‍ദയ്ക്കുള്ളില്‍ മുഖം കാണുമല്ലോ…അങ്ങനെ നോക്കുമ്പോള്‍ മാന്യമായ വസ്ത്രം ആപേക്ഷികവും, മേല്‍ പറഞ്ഞ വസ്ത്രങ്ങള്‍ എല്ലാം ബലാല്‍ സംഗത്തിന് കാരണം ആകുകയും, പാവാട നിരോധിച്ചത് പോലെ നിരോധിക്കുകയും ആവാം.എന്നിട്ട് സ്ത്രീകള്‍ എല്ലാം ബുര്‍ഖ പോലുള്ള വസ്ത്രങ്ങള്‍ ഉണ്ടാക്കി അത് ധരിച്ചു സന്തോഷത്തോടെ ജീവിക്കുന്നതായിരിക്കും ബലാല്‍ സംഗം തടയാനുള്ള ഏറ്റവും നല്ല മാര്‍ഗം.

[ആധാരം: വസ്ത്രമാണ് സ്ത്രീയുടെ പെരുമാറ്റമാണ് ബലാല്‍ സംഗത്തിന് കാരണം ആകുന്നത് എന്ന് പറയുന്ന,അവള്‍ എങ്ങിനെ നില്‍ക്കണം ,നടക്കണം, എത്ര മണി മുതല്‍ എത്ര മണി വരെ പുറത്തിറങ്ങി നടക്കാം തുടങ്ങി ഒരു നൂറുകൂട്ടം ഉപദേശങ്ങള്‍ എന്നാ വ്യാജെനയുള്ള നിബന്ധനകള്‍ വെക്കുന്നവരുടെ ഫേസ് ബുക്ക്‌ സ്റ്റാറ്റസുകള്‍…..]

2 comments

  1. നീ , അല്ല നീ ങ്ങളെ റേപ്പിസ്റ്റുകൾ ആക്കുമോ
    ഹിഹി
    കൊള്ളാം നല്ല എഴുത്ത്

    1. Thanks Machaane….😀

Comment Here

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: